Рекламный баннер 990x90px header-top
Рекламный баннер 728x90px center-top
Архив
Поделитесь новостями с жителями города
Если Вы стали свидетелем аварии, пожара, необычного погодного явления, провала дороги или прорыва теплотрассы, сообщите об этом в ленте народных новостей. Загружайте фотографии через специальную форму.
ӰШАН АЙДЕМЫЛАН ВИЙЫМ ПУРТА
10:26
08.12.2023
ӰШАН АЙДЕМЫЛАН ВИЙЫМ ПУРТА
1 гыч 10 декабрь марте Российыште инвалид-влакын декадышт эрта. Ты тÿшкаште улшо-влакын кечышт 1992 ий годсек 3 декабрьыште палемдалтеш. Декаде жапыште нунын лÿмеш тÿрлӧ мероприятий-влак эртаралтыт.
Тазалык илышыште эн шерге поянлыклан шотлалтеш. Иктат ок пале, тудо могай татыште шкеж нерген вучыдымын шижтарен але ÿмырешлан шке кышажым коден кертеш.
Корно туткарлан кӧра Эҥерсола гыч Олеся Иванова коштын кертдыме лийын. Йошкар-Оласе радиомеханический техникумышто финансистлан тунемын лекше ÿдыр ынде латкок ий инвалид коляскыште шинча. Тудын дене лишкырак палыме лияш манын, ик кечын мӧҥгыжӧ миен коштым.
- Олеся Иванован илыме пӧртшӧ кудыжо лиеш гын? - ял урем дене ошкылшо ÿдырамаш-влак деч йодам.
- Меат тудын декак каяш лектынна, тугеже пырля ошкылына, - маньыч нуно.
Инвалид декаде жапыште поро кумылым ончыктымо шот дене Олеся деке Кÿчыкэҥер клубын пашаеҥже-влак Эмма Семёнова ден Нина Ширшова толыныт. Шере пӧлекым кучыктен, ÿдырлан умбакыжат чолга, таза лияш тыланеныт.
- Шочмо кечем да моло пайрем годымат тÿвыра пашаеҥ-влак, школысо туныктышо-шамыч саламлаш толын каят, пӧлекым кондат, - ойла Олеся. - Поро мут дене кумылым чыланат нӧлтен моштат. Корно туткар деч вара мыйын ончыкылык нерген уло шонымашем лугыч лийын. Тунам ушышто икте веле пӧрдын – илен кодаш. Настя кокамлан тау. Илышлан умбакыже куанен илаш лийже манын, тудо ала-кушкат шуын. Кокам тачат мыйын пеленемак.
Тазалыкым пеҥгыдемдыме шот дене тиде 12 ий коклаште Настя кокаже Олесям кушко гына намиен коштыктен огыл. Эн тÿҥалтышлан нуно Москваште В.Дикульын рÿдерыштыже лийыныт. А вара полышым тÿрлӧ благотворительный фондлаште налыныт.
Олеся Эҥерсолаште аваж дене пырля ила. Аваже «Звениговский» совхозышто вольык ончышылан тырша. Кечывалым ÿдырлан полшымо шот дене тений февраль гыч Настя кокаже сиделке семын пашам ышта. Лишыл еҥ икте-весым содыки утларак умыла.
Кутырен шинчыме коклаште Олеся книга шӧрлыкыштӧ кийыше альбомым ончалаш йодо. Кидышкем налын, альбомжым лостыклаш тÿҥальым.
- Яра кияш пешак неле. Кидлан эре ала-могай паша кÿлеш, - умбакыже каласкала Олеся. - Морко эмлымверыште эмлалтме деч вара интернетыште «Измени свою жизнь с помошью рисунка» рекламым ужынам ыле. Видеом ончен, мыят сÿретлаш тÿҥальым. Тунам утларакше киенам гына. Ик сÿрет деч вара мыланем куштылгырак лие. Тыге сÿрет почеш сÿрет ешаралте. Икмыняр кече гыч креслыш шинчын кертым. Сўретыш шке шонымашем пыштыме деч вара Москвашке, «Преодоление» благотворительный рÿдерыш миен толаш корно почылто. Тидын шотышто мый Морко эмлымверын ончычсо врачше Виктория Матвеевалан кызытат кугу таум ойлем. Тудо тÿрлӧ фондыш серышым возен колташ полшен. А кагазеш шке шонымашым, чон шижмашым ончыктен сÿретлымым вес семынже нейрографике маныт. Айдеме вет тугае, чылаж годымак мо шонымыжым тÿжваке ок лук. Тыгай годым сÿретлымаш моткоч полшен кертеш. Ончыкыжым нейрографике инструкторлан тунемаш шонымашем уло.
Олеся нелылык ончылан вуйым сакыше тÿшка гыч огыл. Тудо мом шонен пыштымыжым садак ышта. Мучаш марте. Теве куд тÿжем паҥга гыч шогышо пазлым кум тылзе поген. А кунар тушко чон шокшылыкшым пыштен. Ик кугу сÿретшым шочмо Эҥерсола школжылан пӧлеклен. Икмыняржым родо-тукымжо-влаклан кучыктен, шарналтен ончалаш шкаланжат коден.
Чонышто погынышо шÿлыкым луштараш Олеся тÿрлӧ йӧнымат кучылтеш. Ӱдырын тыгай кӧргӧ виян, пеҥгыде чытышан улмыжлан ӧраш гына кодеш. Мутат уке, тыште аважын да Настя кокажынат надырышт шагал огыл.
Олесян кокаже, Анастасия Смирнова, шке жапыштыже Пётр Эчейкинын вуйлатыме "Муро сем» ансабльыш коштын. Ансамбльын тале солисткыже Франций, Германий, Бельгий, Швейцарий марте шуын. Икманаш, пырля лиймышт годым ончычсо пагыт гыч уло мо нерген шарналтен каласкалаш.
«Айдеме эре ÿшан дене илышаш. Ӱшан – кокымшо Юмо, - ойла А.Смирнова. – Кече еда изин-изин кошташ тӧчымына, кид-йолым лывыртымына могай-гынат лектышым пуэн кертеш манын ÿшанена. Калыклан социальный полышым пуышо рÿдер гоч Олесялан кÿлешан аппарат-влакым ойыреныт. Полышым пуэн шогымыштлан моткоч кугу тау».
Тÿҥжӧ, кузе мый умылышым, Олеся сай ончыкылыклан ÿшана да кызыт илыме суртышт воктене чоҥен шындыме у пӧртыш волгыдо кумыл дене шкеак ошкылын пураш шона. Воктене тыгай ÿшанле эҥертыш, йолÿмбаке шогалаш полшышо айдеме дене пырля чыла нелылыкымат сеҥен лекташ лиеш.
Лариса ПЕТРОВА
Снимкылаште: Олеся Иванова кеҥежым вÿд воктене лияш йӧрата; пазле гыч погымо да нейрографике йӧн дене ыштыме сÿрет-влак.
1 гыч 10 декабрь марте Российыште инвалид-влакын декадышт эрта. Ты тÿшкаште улшо-влакын кечышт 1992 ий годсек 3 декабрьыште палемдалтеш. Декаде жапыште нунын лÿмеш тÿрлӧ мероприятий-влак эртаралтыт.
Тазалык илышыште эн шерге поянлыклан шотлалтеш. Иктат ок пале, тудо могай татыште шкеж нерген вучыдымын шижтарен але ÿмырешлан шке кышажым коден кертеш.
Корно туткарлан кӧра Эҥерсола гыч Олеся Иванова коштын кертдыме лийын. Йошкар-Оласе радиомеханический техникумышто финансистлан тунемын лекше ÿдыр ынде латкок ий инвалид коляскыште шинча. Тудын дене лишкырак палыме лияш манын, ик кечын мӧҥгыжӧ миен коштым.
- Олеся Иванован илыме пӧртшӧ кудыжо лиеш гын? - ял урем дене ошкылшо ÿдырамаш-влак деч йодам.
- Меат тудын декак каяш лектынна, тугеже пырля ошкылына, - маньыч нуно.
Инвалид декаде жапыште поро кумылым ончыктымо шот дене Олеся деке Кÿчыкэҥер клубын пашаеҥже-влак Эмма Семёнова ден Нина Ширшова толыныт. Шере пӧлекым кучыктен, ÿдырлан умбакыжат чолга, таза лияш тыланеныт.
- Шочмо кечем да моло пайрем годымат тÿвыра пашаеҥ-влак, школысо туныктышо-шамыч саламлаш толын каят, пӧлекым кондат, - ойла Олеся. - Поро мут дене кумылым чыланат нӧлтен моштат. Корно туткар деч вара мыйын ончыкылык нерген уло шонымашем лугыч лийын. Тунам ушышто икте веле пӧрдын – илен кодаш. Настя кокамлан тау. Илышлан умбакыже куанен илаш лийже манын, тудо ала-кушкат шуын. Кокам тачат мыйын пеленемак.
Тазалыкым пеҥгыдемдыме шот дене тиде 12 ий коклаште Настя кокаже Олесям кушко гына намиен коштыктен огыл. Эн тÿҥалтышлан нуно Москваште В.Дикульын рÿдерыштыже лийыныт. А вара полышым тÿрлӧ благотворительный фондлаште налыныт.
Олеся Эҥерсолаште аваж дене пырля ила. Аваже «Звениговский» совхозышто вольык ончышылан тырша. Кечывалым ÿдырлан полшымо шот дене тений февраль гыч Настя кокаже сиделке семын пашам ышта. Лишыл еҥ икте-весым содыки утларак умыла.
Кутырен шинчыме коклаште Олеся книга шӧрлыкыштӧ кийыше альбомым ончалаш йодо. Кидышкем налын, альбомжым лостыклаш тÿҥальым.
- Яра кияш пешак неле. Кидлан эре ала-могай паша кÿлеш, - умбакыже каласкала Олеся. - Морко эмлымверыште эмлалтме деч вара интернетыште «Измени свою жизнь с помошью рисунка» рекламым ужынам ыле. Видеом ончен, мыят сÿретлаш тÿҥальым. Тунам утларакше киенам гына. Ик сÿрет деч вара мыланем куштылгырак лие. Тыге сÿрет почеш сÿрет ешаралте. Икмыняр кече гыч креслыш шинчын кертым. Сўретыш шке шонымашем пыштыме деч вара Москвашке, «Преодоление» благотворительный рÿдерыш миен толаш корно почылто. Тидын шотышто мый Морко эмлымверын ончычсо врачше Виктория Матвеевалан кызытат кугу таум ойлем. Тудо тÿрлӧ фондыш серышым возен колташ полшен. А кагазеш шке шонымашым, чон шижмашым ончыктен сÿретлымым вес семынже нейрографике маныт. Айдеме вет тугае, чылаж годымак мо шонымыжым тÿжваке ок лук. Тыгай годым сÿретлымаш моткоч полшен кертеш. Ончыкыжым нейрографике инструкторлан тунемаш шонымашем уло.
Олеся нелылык ончылан вуйым сакыше тÿшка гыч огыл. Тудо мом шонен пыштымыжым садак ышта. Мучаш марте. Теве куд тÿжем паҥга гыч шогышо пазлым кум тылзе поген. А кунар тушко чон шокшылыкшым пыштен. Ик кугу сÿретшым шочмо Эҥерсола школжылан пӧлеклен. Икмыняржым родо-тукымжо-влаклан кучыктен, шарналтен ончалаш шкаланжат коден.
Чонышто погынышо шÿлыкым луштараш Олеся тÿрлӧ йӧнымат кучылтеш. Ӱдырын тыгай кӧргӧ виян, пеҥгыде чытышан улмыжлан ӧраш гына кодеш. Мутат уке, тыште аважын да Настя кокажынат надырышт шагал огыл.
Олесян кокаже, Анастасия Смирнова, шке жапыштыже Пётр Эчейкинын вуйлатыме "Муро сем» ансабльыш коштын. Ансамбльын тале солисткыже Франций, Германий, Бельгий, Швейцарий марте шуын. Икманаш, пырля лиймышт годым ончычсо пагыт гыч уло мо нерген шарналтен каласкалаш.
«Айдеме эре ÿшан дене илышаш. Ӱшан – кокымшо Юмо, - ойла А.Смирнова. – Кече еда изин-изин кошташ тӧчымына, кид-йолым лывыртымына могай-гынат лектышым пуэн кертеш манын ÿшанена. Калыклан социальный полышым пуышо рÿдер гоч Олесялан кÿлешан аппарат-влакым ойыреныт. Полышым пуэн шогымыштлан моткоч кугу тау».
Тÿҥжӧ, кузе мый умылышым, Олеся сай ончыкылыклан ÿшана да кызыт илыме суртышт воктене чоҥен шындыме у пӧртыш волгыдо кумыл дене шкеак ошкылын пураш шона. Воктене тыгай ÿшанле эҥертыш, йолÿмбаке шогалаш полшышо айдеме дене пырля чыла нелылыкымат сеҥен лекташ лиеш.
Лариса ПЕТРОВА
Снимкылаште: Олеся Иванова кеҥежым вÿд воктене лияш йӧрата; пазле гыч погымо да нейрографике йӧн дене ыштыме сÿрет-влак.
Рекламный баннер 728x90px center-bottom