Рекламный баннер 990x90px header-top
Рекламный баннер 728x90px center-top
Архив
Поделитесь новостями с жителями города
Если Вы стали свидетелем аварии, пожара, необычного погодного явления, провала дороги или прорыва теплотрассы, сообщите об этом в ленте народных новостей. Загружайте фотографии через специальную форму.
ӰДЫРАМАШ ПИАЛАН ГЫН, МЛАНДӰМБАЛНЕ ПИАЛ ЛИЕШ!
11:42
02.03.2023
ӰДЫРАМАШ ПИАЛАН ГЫН, МЛАНДӰМБАЛНЕ ПИАЛ ЛИЕШ!
Шошо - идалыкын ик эн сылне да юзо пагытше. Тудын толмыжым ме кажне гана чон вургыжын вучена. Вет чевер шошо пеленже 8 Март пайремым конда. Мемнан уло илышна ўдырамашын, аван порылыкшо, шокшо да волгыдо кумыл ямже дене темын. Авалан кӧра тўняште илыш шуйна, йӧратымаш,Показать ещё пагалымаш, еш пиал нерген курымешлан палена.
Изи Корамас ялыште Людмила Сергеевна Семенова уло чон шокшылык ден поро кумылжым кум шочшыжлан пуэн шога. Тачысе кечын тудын пелашыже Украин мландыште специальный военный операций эртыме верыште.
«Пелашем тушко шке кумылын каен. Мый тудын шонымашыж дене вигак келшенам. Чыла сай лиеш манын ўшанем», - манеш Людмила Семенова.
Икшыве-влак ачаштын толмыжым моткоч вучат. Тимур Арын школын 6-шо классыштыже тунемеш, Мирослав – кумшышто. А Ярослава ты школ пеленысе йочасадыш коштеш.
- Школ гыч толмекышт, йоча-влак сурт сомылым тӧрлатылаш эре полшат, - ойла Людмила Сергеевна. – Тимур, кугурак семын, коҥгашкат олтен кертеш, пӧрткӧргыштӧ арулыкымат ыштен мошта. Тудо тыгак ече дене куржталаш йӧрата. Мирослав школышто тыршен тунеммыжлан Нижний Новгородышто эртыше У ий ёлкыш миен коштын. Кастене, сурт сомылкам тӧрлатен пытарымеке, мӧҥгылан пуымо урокым пырля ыштена.
Тимур шке командыжым ончыко вўден мошта. Мирослав ден Ярослава мутым колыштыт, кертмышт семын полшат. Вет аван яра жапше уке гаяк. Тудо ялысе кевытыште ышта, эше мӧҥгыштӧ вольыкым ончышашыже уло. А шошым паша эшеат ешаралтеш.
Суртышто шокшым кучен моштымо илышыште моткоч шергакан. Вет еш пиал, шочшо-влакын ончыкылыкышт тидын денак кылдалтеш.
Лариса ПЕТРОВА
А.Титовын фотожо
Шошо - идалыкын ик эн сылне да юзо пагытше. Тудын толмыжым ме кажне гана чон вургыжын вучена. Вет чевер шошо пеленже 8 Март пайремым конда. Мемнан уло илышна ўдырамашын, аван порылыкшо, шокшо да волгыдо кумыл ямже дене темын. Авалан кӧра тўняште илыш шуйна, йӧратымаш,Показать ещё пагалымаш, еш пиал нерген курымешлан палена.
Изи Корамас ялыште Людмила Сергеевна Семенова уло чон шокшылык ден поро кумылжым кум шочшыжлан пуэн шога. Тачысе кечын тудын пелашыже Украин мландыште специальный военный операций эртыме верыште.
«Пелашем тушко шке кумылын каен. Мый тудын шонымашыж дене вигак келшенам. Чыла сай лиеш манын ўшанем», - манеш Людмила Семенова.
Икшыве-влак ачаштын толмыжым моткоч вучат. Тимур Арын школын 6-шо классыштыже тунемеш, Мирослав – кумшышто. А Ярослава ты школ пеленысе йочасадыш коштеш.
- Школ гыч толмекышт, йоча-влак сурт сомылым тӧрлатылаш эре полшат, - ойла Людмила Сергеевна. – Тимур, кугурак семын, коҥгашкат олтен кертеш, пӧрткӧргыштӧ арулыкымат ыштен мошта. Тудо тыгак ече дене куржталаш йӧрата. Мирослав школышто тыршен тунеммыжлан Нижний Новгородышто эртыше У ий ёлкыш миен коштын. Кастене, сурт сомылкам тӧрлатен пытарымеке, мӧҥгылан пуымо урокым пырля ыштена.
Тимур шке командыжым ончыко вўден мошта. Мирослав ден Ярослава мутым колыштыт, кертмышт семын полшат. Вет аван яра жапше уке гаяк. Тудо ялысе кевытыште ышта, эше мӧҥгыштӧ вольыкым ончышашыже уло. А шошым паша эшеат ешаралтеш.
Суртышто шокшым кучен моштымо илышыште моткоч шергакан. Вет еш пиал, шочшо-влакын ончыкылыкышт тидын денак кылдалтеш.
Лариса ПЕТРОВА
А.Титовын фотожо
Рекламный баннер 728x90px center-bottom